នាយករដ្ឋមន្ត្រីនៃចក្រភពអង់គ្លេសបានបញ្ជាក់ពីគោលជំហរក្នុងការចាកចេញពីសហភាពអឺរ៉ុបដោយមាន ឬគ្មានកិច្ចព្រមព្រៀងរបស់ខ្លួននៅថ្ងៃទី៣១ ខែតុលា ឆ្នាំ២០១៩ខាងមុខនេះ។ គួររំលឹកដែរថា នាយករដ្ឋមន្ត្រីនៃចក្រភពអង់គ្លេសបានអះអាងអំពីឱកាសនៃការកើតឡើងក្រោយៗទៀតគឺ "មួយភាគមួយលាន" ហើយលោកមិនមានឆន្ទៈណាមួយអះអាងថា លោកនឹងមិនធ្វើការបិទសភានោះទេ។ ឯមធ្យោបាយដែលជាក់លាក់ដើម្បីជៀសវាងការចាកចេញរបស់ចក្រភពអង់គ្លេសពីសហភាពអឺរ៉ុបដោយគ្មានកិច្ចព្រមព្រៀងណាមួយប្រហែលជាត្រូវផ្លាស់ប្ដូរលោក Boris Johnson នាយករដ្ឋមន្ត្រីនៃចក្រភពអង់គ្លេស និងសមាជិកដទៃទៀតចេញពីអំណាច ព្រមទាំងតែងតាំងរដ្ឋបាល "អ្នកថែរក្សា" ក្នុងគោលបំណងស្នើសុំឲ្យសហភាពអឺរ៉ុបពន្យារពេលកំណត់ ដើម្បីអនុញ្ញាតឲ្យមានការធ្វើប្រជាមតិសារជាថ្មីម្ដងទៀត ឬក៏បោះឆ្នោតទូទៅផងដែរ។
សង្គ្រាមពាណិជ្ជកម្មរវាងសហរដ្ឋអាមេរិក និងចិន៖ ការដំឡើងពន្ធអាករលើផលិតផលនាំចូលរបស់ប្រទេសចិនត្រូវបានពន្យាដល់ថ្ងៃទី១៥ ខែធ្នូ ឆ្នាំ២០១៩។ ទីផ្សារហិរញ្ញវត្ថុកំពុងផ្តោតការយកចិត្តទុកដាក់លើសេចក្តីសម្រេចរបស់សហរដ្ឋអាមេរិកថា ក្រោយពេលដែលមានការទម្លាក់តម្លៃប្រាក់យ័នចិនធៀបនឹងប្រាក់ដុល្លារអាមេរិកដល់កម្រិតទាបមួយក្នុងរយៈពេល១១ឆ្នាំកន្លងមក នឹងមិនអាចនាំឲ្យស្ថានភាពធ្លាក់ចូលទៅក្នុងសង្គ្រាមរូបិយប័ណ្ណជាមួយប្រទេសចិននោះទេ។ ឯការធ្លាក់ចូលទៅក្នុងវិបត្តិសេដ្ឋកិច្ចរបស់សហរដ្ឋអាមេរិកនៅប៉ុន្មានខែខាងមុខនេះក៏ជាក្តីបារម្ភផងដែរ ប្រសិនបើបញ្ហាជម្លោះពាណិជ្ជកម្មជាមួយនឹងប្រទេសចិននៅតែអូសបន្លាយបន្តទៀត។
ព័ត៌មានសំខាន់ៗសម្រាប់សប្ដាហ៍នេះមានដូចជា៖
ចំណុចកណ្ដាល (Pivot Point)៖ ១.២១៤០០
ខ្សែរបាំងទី១៖ ១.២១៩០០ ខ្សែទម្រទី១៖ ១.២១០០០
ខ្សែរបាំងទី២៖ ១.២២៣០០ ខ្សែទម្រទី២៖ ១.២០៣០០
ខ្សែរបាំងទី៣៖ ១.២៣១០០ ខ្សែទម្រទី៣៖ ១.១៩៧០០
សញ្ញាណនៃការព្យាករណ៍សម្រាប់ថ្ងៃនេះលើគូរូបិយប័ណ្ណ GBP/USD៖
កំណត់ការទិញជាមុននៅតម្លៃ ១.២១០០០ដុល្លារ
កំណត់ប្រាក់ចំណេញនៅតម្លៃ ១.២១៩០០ដុល្លារ
និងកំណត់ការខាតបង់នៅតម្លៃ ១.២០៦០០ដុល្លារ
វិភាគដោយ៖ កញ្ញា វ៉ាន់ ស្រីទូច
ជំនួយការនាយកផ្នែកប្រឹក្សាយោបល់ហិរញ្ញវត្ថុនៃក្រុមហ៊ុន ហ្គោលដេន អេហ្វអិកស៍ លីង ឃែភីថល
កំណត់ចំណាំ៖
ក្រុមហ៊ុន ហ្គោលដេន អេហ្វអិកស៍ លីង ឃែភីថល ឯ.ក. បានខិតខំប្រឹងប្រែងធានាភាពសុក្រិត្យនិងពេញលេញនៃរបាយការណ៍ស្រាវជ្រាវនេះ។ ទោះជាយ៉ាងណាក៏ដោយ ដោយហេតុថាទីផ្សារអាចមានការផ្លាស់ប្តូរគ្រប់ពេលវេលា ក្រុមហ៊ុននិងក្រុមហ៊ុនបុត្រសម្ព័ន្ធរបស់យើងមិនធានានូវភាពពេញលេញនិងភាពសុក្រិត្យឡើយ។ព័ត៌មាននេះគឺសម្រាប់តែជាឯកសារយោងតែប៉ុណ្ណោះ។ គ្មានបុគ្គលណាម្នាក់អាចយកព័ត៌មានស្តីពីការជួញដូររូបិយប័ណ្ណបរទេស លោហៈធាតុមានតម្លៃ និងផលិតផលហិរញ្ញវត្ថុទាំងនេះក្នុងនាមជាក្រុមហ៊ុន ហ្គោលដេន អេហ្វអិកស៍ លីង ឃែភីថល ឯ.ក. ដើម្បីផ្តល់ជាតម្លៃទីផ្សារ ការ ផ្តល់យោបល់ ការស្ទង់មតិ និងការទាក់ទាញវិនិយោគឡើយ។ អតិថិជនត្រូវយល់ដឹងអំពីហានិភ័យដែលពាក់ព័ន្ធនឹងការវិនិយោគ ភាពប្រែប្រួលនៃទីផ្សារវិនិយោគ និងហានិភ័យនៃការបាត់បង់អាចមានទំហំធំ។ អតិថិជនត្រូវពិចារណាដោយប្រុងប្រយ័ត្នទៅលើស្ថានភាពហិរញ្ញវត្ថុ និងគោលបំណងវិនិយោគដើម្បីសម្រេចទិសដៅវិនិយោគ និងជ្រើសរើសប្រភេទផលិតផលវិនិយោគដែលសមស្របបំផុតសម្រាប់ការយល់ដឹងរបស់ខ្លួន។
